قصتي مع "استادة الفيزياء"
-------------------------------------------------------------------------------------------------------------
المهم تلاقيت بالاستادة ديال الفيزياء و مع حسن الحظ ديك النهار كنت مفركس وخا شوية فشكل تتلاقا مع أستآدة رغم أنني كنت كنحترمها بزاف هي هديك فقالت لي نمشيو لواحد المقهى ديال دوك الناس لي عمري حلمت نجلس فيه و الخلاص على حسابها بطبيعة الحال جلسنا في المقهى انا حشمت بزآف و فجأة بدأت كتهضر ...
--------------------------------------------------------------------------------------------------------------
المهم بقات كتهضر الاستادة و أنا حشمان بزآف جا داك لي كيقدم المشروبات فديك القهوة معرفت أش ناخد خوك شوية معندوش مع القهاوي قالت ليه الاستادة واحد العصير سميتو بفرونسي معرفت منقول قلت ليه جيب ليا بحالها و المهم قالت ليا راه كنبغيك و دخلتي ليا للخاطر وخا أصغر مني وقالت ليا بلي النقطة ديالي مضمونة فرحت و ضحكت و قلت ليها شكغا و فجأة ...
--------------------------------------------------------------------------------------------------------------
المهم الخوت فجأة جاها واحد الإتصال بلي شي واحد جا يزورها بعيد تقلقات و أنا أيضا تقلقت لأنني كنت عايش La Vie ههه فجأة فاش خرجنا إدا بي تلاقيت بشي دراري صغار و فاش دزنا من حداهم من النضرات ديالهم عرفتهم أنهم ضاسرين و غي دزت من حداهم سمعت عبارة " طلق الدجاجة لماليها لا تبيض توحل فيهـآ " ثم عاودوهـآ شي 4 المرآت طلع ليا الدم مشيت عندهم ....
-------------------------------------------------------------------------------------------------------------
بصرآحة بعد داك الكلام لي قالو طلع ليا الدم مشيت وآحد كان ضاسر بزآف ضربتو ماتعطلش جاب ليا خوه فالحانوت قريب جا خوه باينة ماكاميش ههه شفتو بغا يزعم عليا ما حملتوش و خوكم بغا يبان سبع قدام الاستادة و درت فيها أنا هو البطل ديال الفيلم خخ زعمة مكنخافش مهم خنزرت فيه جا واحد خونا بغا يدخل بخيط بيض صدقت دخلت في مو و السبب كان هو ...
----------------------------------------------------------------------------------------------------------------
السبب كان أن داك خونا لي جا يفارق جا غير يدور بأستادتي لي فجأة أصبحت أعز من حقي ديال اللحم ههه مهم ناضت الحيحة ضربتو ضربة خايبة و وليت فشكل مع عارفين رآه كاينة المشاهدة من واحد الطرف ثاني بعد هادشي جاو البوليس داوني أنا وياه و هو طلقوه أنا شبعو فيا عصا و تبنديخ ولا وجهي فشكل و مالين الدار عرفو القصة صافي دازت شي يومين رجعت المياه إلى مجاريها من بعد جاتني أخبار لي ...
------------------------------------------------------------------------------------------------------------
الصدمة القوية عرفت أن الاستادة مزوجة ومن داك النهار تنادم معايا الحال بزآف و ولات كتصوني عليآ مكنجوبش و كتسيفط ليا ميساجات و مكنردش عليها و واحد النهار سيفطات ليا روشارج ديال 50 درهم مهم مبغيتش نجاوبها و من بعد ما شفتها عيقات عليا جوبتها و قلت ليها لي كاين من بعد ما كانت عندنا عطلة و رجعنا للقراية و كالعادة كأي يوم إثنين كندخلو عندها مع 2 أول ما دخلت للقسم ...
---------------------------------------------------------------------------------------------------------------------
المهم كي كيقولو ديرها زينة توصل توصل وآحد عشيري غي دخلنا للقسم كيشوف الاستادة كتشوف فيا حتى هو كيشوف فيا و كيبتسم و أنا مابقاش عندي الوجه لي نشوف بيه في الاستآدة و هي رغم أنها عرفتني عرفتها مزوجة إلا أن حبها كيتزآد يوم بعد يوم مهم مرّت أيام و خوكم قالب عليها حتى قرب الوطني و عاد ...
----------------------------------------------------------------------------------------------------------------------
غير قرب الوطني و أنا حسيت أنني مكلخ في الفيزياء مكاين لي يعاوني بغيت الاستادة تعاوني مهم تبدلت علاقتي معاها و ولات عزيزة عليّآ و ولات كتعاوني بزآف لدرجة كنت من الأوآئل المكلخين في الفزياء وليت من الأوآئل المجتهدين مهم دوزنا أياماتنا في القراية حتى جا نهار الوطني دوزنا في الصباح الفزياء زربت عليها حينت عاونتني فيها الاستادة و لحسن حضي الرياضيات حضاتني فيها هي انا بقيت غير كندوّر عيني و معرفتش ماندير و شوية جاتني واحد الورقة مقادين فيها جميع الاسئلة من حيت لا أدري نعم إنها أستادتي العزيزة لي جابتها و مع نهاية السنة و في يوم لي أعلنو فيه إعلان النتائج مشيت نشوف أش درت لقيت راسي ....
----------------------------------------------------------------------------------------------------------------------
لقيت راسي نجحت و تلاقيت بأستادتي العزيزة مبتسمة و تبكي ... مبتسمة لأنها ساعدتني و نجحت و تبكي لأني سوف أدهب الى مدينة أخرى كي أكمل دراستي المهم أعطتني بعض النصائح و خوكم كان فرحان بزآف معقلتش أش قالت ليا هههه مهم سافرت باش نقرآ في مدينة بعيدة و غادي نتوحش استادتي و اخواني لكن لأول مرة الحظ تواضع معايا و الاستادة جاها خبر ...
-----------------------------------------------------------------------------------------------------------------------
الاستادة جاها خبر الانتقال الى المدينة لي غادي نقرآ فيهـآ سبحان الله قصة بحال الحلم لكن حقيقة ههه المهم سافرات حتى هي و قربات لواليديها و أنا العكس بعدت على والدياا مهم دازت أيام وعرفت أن دلك الحب ما غادي ينفعني بوالو و وقعو بيناتنا شي مشاكل .صافي قطعت العلاقة بيني و بينها و هي أصبحت تحب شخص عندو مكانة في المدينة و أنا...
----------------------------------------------------------------------------------------------------------------------
أنا رجعت لحالتي القديمة لا روشارج لا والو ههه مهم دازو شي أيام و أنا في بحر تلك المدينة مع خوكم عوآم واحد البنت كانت بغات تغرق عتقتها و تدخلت و ولبت كنحس أول مرة غادي نديرها زوينة فحايتي مع ديك الدرية زوينة و قدي مهم تعرفت عليها بقيت انا وياها على اتصال و عجبتني بزآف وبقات الايام وتلاقينا و اصبحت العلاقة بيني و بينها اكثر من الاستادة لكن فاش عرفت أن ...
-----------------------------------------------------------------------------------------------------------------------
لكن فاش عرفت أنها الأخت ديال الاستادة كانت الصدمة قوية وآكتشفت ان تلك العائلة مصدر سعادتي ههه وقلت في نفسي " سعدي ببناتهم " ههه و تصاحبت مع هاد البنت لي صغر مني بشي عامين و بقينا حتى دازو أيام كثيرة و علاقتنا بقات مزيانة حتى مشيت خطبتها انا و عائلتي الصغيرة من عند والديها فكان جواب ابوها ...
---------------------------------------------------------------------------------------------------------------------------
قال لينا الواليد ديالها انا قابل على الراس و العين وسول بنتو لي كانت قابلة أيضا 200 في المئة فتزوجت بحبيبتي و ولدت معاها طفلآن واحد إسمو يحي و واحد إبراهيم فلازلت أعيش معها حتى الآن ...
---------------------------------------------------------------------------------
المهم العشرآن القصة كانت فقط من اختراع الأدمن باش نشدو الستون راه ماكين مايدار و شكرآ لأي وآحد شارك معانا و الادمين مزآل ماتزوج ما والو هههه المهم كنتمنا تكونو غي نشطتو شوية.
ليست هناك تعليقات:
اضافة تعليق